पछिल्लो समय जुम्लाका किसान ओखरखेतीप्रति आकर्षित

धनगढी ।

Gaurishankar Dental

पछिल्लो समय जुम्लाका किसान ओखरखेतीप्रति आकर्षित हुन थालेका छन् । भण्डारण गर्न समस्या नुहने, हावापानी अनुकूल भएको र कम मिहेनतमा पनि राम्रो आम्दानी हुन थालेपछि यहाँका किसान ओखरखेतीमा आकर्षित भएका हुन् ।

Dhangadhi_Sub-Metropolitan City Suvakamana 2081

“ओखरखेतीबाट राम्रो आम्दानी हुने भएकाले व्यावसायिकरूपमा लागेका हौँ”, चन्दननाथ नगरपालिका–१० का किसान बिर्खबहादुर मल्लले भने ।

बगैँचामा रहेका सात वटा बोटमा फलेको ओखर बिक्रीबाट यो वर्ष रु ८० हजार आम्दानी भएपछि ओखरखेतीमा आकर्षण बढेको मल्लको भनाइ छ । उनले सदरमुकाम खलङ्गा पुगी ओखर बिक्री गरीने गरेको  बताए ।

“ओखरबाट यो वर्ष राम्रो आम्दानी भयो, अर्को वर्ष दुई लाख कमाउने गरी ओखरको बगैँचा व्यवस्थापनमा लागेको छु”, उनले भने, “विरुवा हुुर्काउन दुःख भए पनि पछि गाह्रो हुँदैन ।”

कम मेहेनतमै बढी आम्दानी हुने भएपछि यहाँका किसानहरु ओखरखेतीमा आकर्षित भएका हुन् । यहाँ उत्पादित ओखर बिक्रीका लागि बजारको पनि समस्या नभएको किसानको भनाइ छ ।

“ओखर खरिद गर्न व्यापारी गाउँमै आउने भएपछि हामीलाई बजारको समस्या छैन”, तिला गाउँपालिका–१ का जयबहादुर बुढाले भने । बजारमा अहिले ओखरको मूल्य प्रतिदाना रु १० का दरले बिक्री भइरहेको छ ।

जिल्लामा आउने आन्तरिक तथा बाह्य पर्यटकको रोजाइमा पनि यहाँको ओखर हुन थालेको रारालिही अग्र्यानिक पसलका सञ्चालक मेनका बुढाको भनाइ छ ।

जिल्ला कृषि विकास कार्यालय जुम्लाका प्रमुख गणेशबहादुर अधिकारीले जिल्लामा ओखर खेती गर्ने किसानको सङ्ख्या बढेको बताए । जिल्लाका आठ स्थानीय तहका पाँच सय ९० हेक्टर क्षेत्रफलमा ओखर खेती भइरहेको अधिकारीले जानकारी दिए।

DHN_Aaglagi
सम्बन्धित
Loading...