नाथै नाथले वास गरेको देशमा कसैले पनि अनाथ भएर बस्नु नपरोस् : अध्यक्ष मानव सेवा आश्रम

धनगढी । सडक पेटीमा कसैले पनि भोको नाङ्गो बस्न नपरोस् भन्नका लागि मानव सेवा आश्रमको स्थापना भएको आश्रमका संस्थापक अध्यक्ष रामजी अधिकारीले बताएका छन् ।

मानवसेवा आश्रमले शनिबार धनगढी, चटकपुर ४ को शहिदगेट नजिकै रहेको सौंराइ स्क्यार मा विहान ११ बजे नेपथ्यका मुख्य गायक अमृत गुरुङलगायतको टोलीलाई गरेको स्वागत कार्यक्रममा उनले यस्तो बताएका हुन् ।

नाथै नाथले वास गरेको देशमा कसैले पनि अनाथ भएर बस्न पर्ने अवस्था नआओस् भन्ने संकल्पका साथ मानव सेवा आश्रमको स्थापना गरिएको हो उनले भने ।
सडकका असहाय तथा बेसहाराको संरक्षण गर्ने नेपालको पहिलो संस्था मानवसेवा आश्रमको आयोजनामा मानवता प्रवद्र्धनका लागि गरिएको महिनाव्यापी नेपथ्य लाइभ कन्सर्टका लागि ७२ जनाको टिमसहित नेपथ्य ब्यान्डका अमृत गुरुङ धनगढी आईपुगेका छन् ।

कन्सर्ट पुस ३ गते आइतबार बेलुकी ४ बजे धनगढी रंगशाला मैदानमा हुनेछ ।