Skin_Hospital_Dhn

प्रधानमन्त्री दाहालले ८ सदस्यीय मन्त्रिपरिषद गठन गरे

प्रधानमन्त्री दाहालले ८ सदस्यीय मन्त्रिपरिषद गठन गरेका छन् । शीतल निवासमा सोमबार राष्ट्रपति विद्यादेवी भण्डारीले प्रधानमन्त्री प्रचण्ड र ३ जना उपप्रधानमन्त्री र ४ मन्त्रीसहित ८ सदस्यीय मन्त्रिपरिषद गठन गरेका छन्। उपप्रधानमन्त्रीमा नेकपा एमालेका विष्णु पौडेल, माओवादी केन्द्रका नारायणकाजी श्रेष्ठ र राष्ट्रिय स्वतन्त्र पार्टीका रवि लामिछाने बनेका छन्।

पौडेलले अर्थमन्त्रालय, श्रेष्ठले भौतिक पूर्वाधार र लामिछानेले गृह मन्त्रालय सम्हाल्ने जिम्मेवारी दिइएको छ। मन्त्रीहरुमा ज्वालाकुमारी साह, दामोदर भण्डारी, राजेन्द्र राई र अब्दुल खान रहेका छन्। उनीहरुको कार्यभार पछि तोकिनेछ। ३ जना उपप्रधानमन्त्री र चारै जना मन्त्रीले सोमबार नै शपथ लिएका छन्। नवनियुक्त मन्त्रीहरूको कार्यभार पछि तोकिने बताइएको छ।

सोमबार पहिलो चरणमा मन्त्रिपरिषद् गठन गरिएको र पछि मन्त्रिपरिषद् विस्तार हुने बताइएको छ।

सम्बन्धित
Loading...