Skin_Hospital_Dhn

बझाङमा ट्याक्टर दुर्घटनामा परी दुई जनाको ज्यान गयो

थलारामा ट्याक्टर दुर्घटना हुँदा दुई जनाको मृत्यु भएको छ। सोमबार साँझ बझाङको छविस पाथिभेरा गाउपालिका—५ थलारामा साढे ७ बजेको समयमा ट्याक्टर दुर्घटना हुँदा दुई जनाको मृत्यु भएको हो।

मृत्यु हुनेमा छबिसपाथिभेरा—५ का चालक मंगल धामी र सहचालक धनबहादुर ठगुन्ना रहेका छन्।

झोलुङ्गे पुलका सामान लिएर गएको से २ त २३४३ नम्बरको उक्त ट्याक्टर उकालो सडकमा पछाडि सरेर दुर्घटना भएको प्रहरीले जनाएको छ।

ट्याक्टरमा रहेका अर्का एक जना सकुसल रहेको पनि प्रहरीले जनाएको छ। थप विवरण आउन बाँकी छ।

सम्बन्धित
Loading...