Skin_Hospital_Dhn

माओवादीले आज सुदूरपश्चिममा दलको नेता छनोट गर्ने, खगराजको सम्भावना बढी

धनगढी ।
माओवादी केन्द्रले आज सुदूरपश्चिम प्रदेशमा संसदीय दलको नेता छनोट गर्ने भएको छ । संसदीय दलको नेतामा खगराज भट्ट चयन हुने सम्भावना बढेको छ।

सुदूरपश्चिममा दलको नेताका लागि भट्टसहित ओमविक्रम भाट, अक्कल रावल र मान बहादुर धामी आकांक्षी रहेका थिए । अन्तिम सम्ममा रावल र धामी पछि हटे पनि भाट र भट्ट बिच सहमति हुन नसक्दा हिजो सर्वसम्मत नेता छनोटमा सहमति हुन सकेको थिएन ।

आज बिहान ९ बजेको लागि बोलाइएको बैठकमा सर्वसम्मत रुपमा दलको नेता छनोट गर्ने र त्यसमा भट्टको सम्भावना बढि रहेको माओवादी स्रोतको दाबी छ ।

खगराज माओवादी केन्द्रको सुदूरपश्चिम प्रदेश इन्चार्ज तथा स्थायी कमिटी सदस्य हुन् । भने भाट केन्द्रीय सदस्य हुन् । सुदूरपश्चिममा माओवादी केन्द्रका ११ सांसद छन् ।

अहिले भट्ट र भाट फरक—फरक लाइनमा छन् । भट्ट माओवादी उपमहासचिव जनार्दन शर्मा निकट हुन् भने भाट अर्का उपमहासचिव वर्षमान पुन निकट हुन् । भाटको पक्षमा अहिले नेतृ विना मगर समेत छिन् ।

सम्बन्धित
Loading...