धनगढी ।
मुलुकमा हाल पश्चिमी न्यून चापीय प्रणालीको सामान्य प्रभाव रहेको छ । जसकारण देशको पहाडी भू—भागमा आंशिकदेखि सामान्य बदली हुनेछ ।
त्यस्तै, तराईका जिल्लामा बाक्लो हुस्सु र कुहिरो लाग्ने हुनाले चिसो कायम रहने मौसम पूर्वानुमान महाशाखाले जनाएको छ ।
आज शुक्रबार देशको पहाडी भू—भागमा सामान्य बदली रही बाँकी भू—भागमा मौसम सफा रहनेछ ।
आज दिनभर नै तराईका धेरै भू–भागमा बाक्लो हुस्सु÷कुहिरो लाग्ने भन्दै महाशाखाले दैनिक जनजीवन र सडक तथा हवाई यातायातमा असर पर्ने सम्भावना रहेको जनाएको छ ।
चिसो क्रमिक रुपले बढ्दैगएकाले त्यसबाट बच्न सावधानी अपनाउन विभागले आग्रह गरेको छ ।
