डोटीः खप्तड राष्ट्रिय निकुञ्जमा बन्दुकसहित एक जना पक्राउ परेका छन् । निकुञ्जको मध्यवर्ती क्षेत्रमा अछामको साँफेबगर नगरपालिका-१४ मा पर्ने दुनि पातलकोटस्थित पाटे वनमा एक थान बन्दुकसहित एक जना पक्राउ परेका हुन् ।
खप्तड राष्ट्रिय निकुञ्जका वार्डेन सरोज मणि पौडेलका अनुसार ती व्यक्तिलाई राष्ट्रिय निकुञ्ज तथा वन्यजन्तु संरक्षण ऐन २०२९ बमोजिम अनुसन्धान हुने र अवैध हातहतियार लिएर रातको समयमा जङ्गल प्रवेश गरेकोले हातहतियार तथा खरखजाना सम्बन्धी ऐन बमोजिम अनुसन्धानको लागि जिल्ला प्रहरी कार्यालय अछाममा बुझाइने छ ।
