बझाङः बझाङको मष्टा गाउँपालिका–७ तल्ला ठकुन्नामा आगलागीबाट एक भैंसीसहित दुई गोठ जलेका छन्। शनिबार राति १० बजेको समयमा ठकुन्ना गाउँ नजिकै रहेको स्थानीय धुर्व बोहरा र जब्बरे बोहराको गोठमा आगलागी भएको हो।
स्थानीयले राति गोठ जलेको देखेपछि त्यहाँ पुगेका थिए। तत्काल आगलागी नियन्त्रणमा लिन नसकेर गोठमा बाँधेको एउटा भैंसी जलेको र अन्य पशुचौपायाहरुलाई बाहिर निकालिएको वडाध्यक्ष धनबहादुर जेठाराले जानकारी दिए। आगलागीबाट करिब डेढ लाख बढी क्षति भएको अनुमान गरिएको छ।
