काठमाडौं: काठमाडौं महानगरपालिकाका मेयर बालेन्द्र शाह (बालेन) ले आफ्नो कविता संग्रह ‘अश्र’ बजारमा ल्याउने भएका छन्।
मेयर शाहले आफ्नो जन्मदिनको अवसरमा पारेर शुक्रबार सामाजिक सञ्जालबाटै आफ्नो कविता संग्रह ‘अश्र’ बजारमा आउँदै गरेको जानकारी दिएका हुन्।
उनले लेखेका छन्, ‘मेरो कविता संग्रह किताब ‘अश्र’ भोलिबाट सर्वत्र उपलब्ध हुनेछ। आज जन्मदिनको शुभकामना दिनुहुने सबैलाई धन्यवाद।’ र्यापर गायक हुँदै राजनीतिमा होमिएका उनको युवापुस्तामा राम्रो क्रेज देखिन्छ।
बालेनको ‘बलिदान’, ‘सेभेज’, ‘मार्फाको मदिरा’, ‘मन यो उड्यो’, ‘आस्तिक’ जस्ता र्याप गीतहरु लोकप्रिय छन्।