सुर्खेत ।
लेकबेशी नगरपालिका—५ राष्ट्रिय चौफारी डाँडा जङगलबाट ५ नाल भरुवा बन्दुक प्रहरीले बरामद गरेको छ ।
सुर्खेत जिल्लाको लेकबेशी नगरपालिका—५ राष्ट्रिय चौफारी डाँडा जङगलबाट ५ नाल भरुवा बन्दुक आज (बिहीबार) दिउँसो प्रहरीले बरामद गरेको हो ।
अस्थायी प्रहरी पोस्ट नेटाबाट खटिएको प्रहरीले ढुङ्गाको ओढारमा लुकाई छिपाई राखेको अवस्थामा उक्त भरुवा भन्दुक फेला पारी बरामद गरेको नेपाल प्रहरी प्रधान कार्यालय प्रहरी महानिरीक्षकको सचिवालयले जनाएको छ ।
यस बिषयमा थप अनुसन्धान गरिरहेको प्रहरी महानिरीक्षकको सचिवालयले जनाएको छ ।
