धनगढी ।
कैलालीबाट लागुऔषधसहित २ जनालाई प्रहरीले पक्रउ गरेको छ । कैलालीका बिभिन्न स्थानहरूबाट चेक जाँचको क्रममा लागुऔषध (चरेस) र खैरोहेरोईन सहित २ जना मानिसलाई प्रहरीले पक्रउ गरेको हो ।
प्रदेश प्रहरी कार्यालय धनगढी र इलाका प्रहरी कार्यालय मालाखेतीबाट खटिएको संयुक्त टोलीले बझाङ जिल्लाको बुङ्गल नगरपालिका २ का ६२ वर्षीय गगने धामीलाई कैलालीको गोदावरी नगरपालिका ४ गौरीगडा बेल्पानी स्थित प्रहरी टोलीले चेकजाँच गर्दा निजको साथ बाट चरेस जस्तो देखिने कालो बस्तु ४ के.जी. सहित पक्राउ गरेको प्रहरीले जनाएको छ ।
यसै गरी जिल्लाको टिकापुर नगरपालिका १ ज्योतीनगर स्थित सडकमा हिँडडुल गरिरहेको अबस्थामा फेला पारी शंका लागी चेकजाँच गर्ने क्रममा निजको साथ बाट लागु औषध खैरो हिरोइन १ ग्राम फेला पारी ३९ वर्षीय खेम ब. बुढालाई पक्राउ गरेको प्रदेश प्रहरी कार्यालय धनगढीले जनाएको छ ।
पक्राउ परेका उनिहरुबिरुद्ध प्रहरीले थप अनुसन्धान गरिरहेको छ।