आईसीसी क्रिकेट विश्वकप लिग–२ : आज नामिबियाविरुद्ध नेपालले पहिले फिल्डिङ गर्ने

काठमाडौं ।
आईसीसी क्रिकेट विश्वकप लिग–२ को त्रिदेशीय एकदिवसीय शृंखलामा आज नामिबियाविरुद्ध नेपालले पहिले फिल्डिङ गर्ने भएको छ ।

कीर्तिपुरस्थित त्रिवि क्रिकेट मैदानमा नेपालका कप्तान रोहितकुमार पौडेलले टस जितेर पहिले फिल्डिङ गर्ने निर्णय लिएका हुन् ।

यसअघि नेपालले खेलेको चारमध्ये तीनखेलमा पराजित भएको भएको छ । अर्को एक खेल नतिजाविहीन बनेको थियो ।

Gaurishankar Dental

आईसीसी क्रिकेट विश्वकप लिग–२ मा नेपाल २४ खेलबाट १८ अंक जोडेर छैटौँ स्थानमा छ । नेपाललेआठ जितेको छ भने १४ खेलमा पराजित भएको छ ।

नेपालले अब १२ खेल खेल्न बाँकी छ । चार खेल युनाइटेड अरब इमिरेट्स (युएई)मा गएर खेल्नेछ । भने बाँकीआठ खेल घरेलु मैदानमा हुनेछन् । नेपालले सबै खेल जित्न सके शीर्ष तीन भित्र पर्न सक्ने अंक गणीतिय सम्भावना बाँकी छ । तर नेपालका लागि त्यो कठिन छ । नेपालका लागि अब शीर्ष पाँच भित्र रहेर एकदिवसीय मान्यता जोगाउने लक्ष्य हुनेछ ।

नामिबिया ३० खेलमा १८ मा जित र ११ मा हारका साथ ३७ अंक जोड्दै तेस्रो स्थानमा छ ।

नाबालिक किशोरीमाथि बलात्कार आरोप लागेका पूर्वकप्तान सन्दीप लामिछाने पाँच महिनापछि मैदान फर्किदैछन् ।

सम्बन्धित
Loading...