धनगढी: कैलालीको धनगढीमा सम्पन्न नसर्ने रोग रोकथाम तथा नियन्त्रणका लागि छोटो दूरीको मैत्रीपूर्ण दौडमा कोपिला कुँवर प्रथम भएकी छिन्।
शनिबार धनगढीको कबर्डहलमा प्रादेशिक स्वास्थ्य प्रवद्धन केन्द्र धनगढीको आयोजना र जिल्ला खेलकुद समितिको समन्वयमा भएको मैत्रीपूर्ण महिला दौडमा कुँवर प्रथम भएकी हुन्।
महिलाहरूको दौडमा जयन्ती गिरी द्वितीय र अमृता भट्टराई भइन्। प्रथम हुने धनगढी-४ की कुवँरलाई साइकल पुरस्कार र प्रमाणपत्र प्रदान गरिएको छ। प्रतियोगितामा द्वितीय हुनेलाई बास्केटबल र प्रमाणपत्र तथा तृतीयलाई फुटबल र प्रमाणपत्र प्रदान गरिएको छ।
प्रादेशिक स्वास्थ्य प्रवद्धन केन्द्रका प्रमुख हेमराज खड्काको अध्यक्षतामा भएको कार्यक्रममा सुदूरपश्चिमका स्वास्थ्य, महिला तथा बालबालिकामन्त्री ओमविक्रम भाट, शिक्षा, युवा तथा खेलकुदमन्त्री लक्ष्मी विकलगायतको उपस्थिति रहेको थियो।
