काठमाडौं।
आजपनि मुलुकमा पश्चिमी वायुको सामान्य प्रभाव कायमै रहेकाले पहाडी भू-भागको केही स्थानमा मेघ गर्जनसहित हल्का वर्षा हुने सम्भावना रहेको छ। आज प्रदेश १, बागमती गण्डकी, लुम्बिनी, कर्णाली र सुदूरपश्चिमका केही भू-भागमा वर्षा हुने जल तथा मौसम विज्ञान विभागले जनाएको छ ।
आज राति प्रदेश १, गण्डकी प्रदेशको उच्च पहाडी भू-भागको केही स्थानमा हल्का हिमपात हुने विभागले जनाएको छ । यसैबीच, भोलि मंगलबार दिउँसो देशका केही पहाडी भू-भागमा मेघ गर्जनसहित हल्का वर्षाको सम्भावना रहेको छ । राति प्रदेश १, गण्डकी र कर्णाली प्रदेशको उच्च पहाडी भू-भागको एक दुई स्थानमा हल्का हिमपात हुने विभागले जनाएको छ ।
