डडेल्धुरा: डडेल्धुरामा एकनाले भरुवा बन्दुकसहित दुई जना पक्राउ परेका छन्।
जिल्लाको आलिताल गाउँपालिका-६ धिमडास्थित सडकबाट एकनाले भरूवा बन्दुक र सोही बन्दुकमा लाग्ने २ थान सिसाको गोलीसहित दुईजनालाई शनिवार राति प्रहरीले पक्राउ गरेको हो।
पक्राउ पर्नेमा आलिताल-६ फल्लेखर्कका ५१ वर्षीय वीरबहादुर कुँवर र ४३ वर्षीय कर्णबहादुर कुँवर छन्।
अस्थायी प्रहरी पोष्ट धिमडाबाट खटिएको प्रहरीले उनीहरूलाई उक्त बन्दुकसहित पक्राउ गरेको हो। यस सम्बन्धमा प्रहरीले आवश्यक अनुसन्धान गरिरहेको जिल्ला प्रहरी कार्यालय डडेल्धुराले जनाएको छ।
