डोटी: स्कुलको छतबाट खसेर डोटीमा एक बालक गम्भीर घाइते भएका छन्। प्रहरीका अनुसार दीपायल सिलगढी नगरपालिका–४ पिपल्ला बजार बस्ने कृष्णबहादुर बुढाका ८ वर्षीय छोरा सुशान्त छतबाट घसेर घाइते भएका हुन्।
उनी बुधबार पिपल्ला बजारमै रहेको बेबीलोन स्कुलको एकतले भवनको छतमा खेल्ने क्रममा लडेर गम्भीर घाइते भएका जिल्ला प्रहरी कार्यालय डोटीका सूचना अधिकारी डीएसपी भीमलाल भट्टराईले बताए। उनका अनुसार बालकलाई शैलेश्वरी अस्पताल दीपायलबाट थप उपचारका लागि धनगढी रिफर गरिएको छ।
