दाङ।
दाङमा एक महिलालाई सामूहिक बलात्कार गरेको अरोपमा दुई जनालाई प्रहरीले पक्राउ गरेको छ ।
जिल्लाको घोराही उपमहानगरपालिका–१७ का ३० वर्षीय निर्मल चौधरी र २३ वर्षीय मनोज चौधरीलाई सामूहिक बलात्कार गरेको अरोपमा प्रहरीले पक्राउ गरेको हो । घोराही उपमहानगरपालिका–१७ बेलभारमा राति बास मागेर श्रीमानलाई कुटपिट गरी दुई जनाले महिलालाई बलात्कार गरेका जिल्ला प्रहरी कार्यालय दाङले जनाएको छ।
प्रहरीका अनुसार पीडित महिला तीन महिनाअघि श्रीमानको खुट्टाको उपचार गराउन भन्दै दाङ आएकी थिइन् । राप्ती स्वास्थ्य विज्ञान प्रतिष्ठानमा उपचार गराउँदा पैसा सकिएपछि श्रीमान् श्रीमती मागेर जीवन चलाइरहेका थिए । पीडितले घटनाबारे फागुन २७ गते दिएको जाहेरीका आधारमा प्रहरीले दुई जनालाई पक्राउ गरी आवश्यक अनुसन्धान सुरु गरेको छ । घटना शुक्रबार राति साढे १ बजे भएको हो ।
आइतबार जिल्ला अदालतबाट म्याद थप गरी अनुसन्धान भइरहेको बताइएको छ ।
