कञ्चनपुरः कञ्चनपुरमा लागुऔषध चरेश र खैरो हेरोइनसहित दुर्ई जना पक्राउ परेका छन्।
जिल्लाको भीमदत्त नगरपालिका–११ गड्डाचौकीबाट भीमदत्त नगरपालिका–१८ बस्ने २१ वर्षीय मोहन बस्नेतलाई ७ दशमलव ६५ ग्राम खैरो हेरोइनसहित पक्राउ गरिएको छ। बस्नेतलाई इलाका प्रहरी कार्यालय गड्डाचौकीबाट खटिएको प्रहरी टोलीले बिहीवार नियन्त्रणमा लिएको हो।
यसैगरी भीमदत्त नगरपालिका–९ खल्ला बस्ने ७७ वर्षीय डबल कठायतको घर खानतलासी गर्दा ७९ दशमलव ५० ग्राम चरेश फेला पारी उनलाई पक्राउ गरिएको छ। कठायतलाई इलाका प्रहरी कार्यालय ब्रह्मदेवबाट खटिएको प्रहरी टोलीले नियन्त्रणमा लिएको जनाइएको छ।
