बाजुराको मतगणना निर्वाचन सम्पन्न भएको ११ दिन बितिसक्दा पनि अझै सुचारु हुन सकेको छैन।
निर्वाचन आयोगले बुधबार बाजुरा र स्याङ्जामा अबरुद्ध भएको मतगणना गर्ने निर्णय गरेको थियो। स्याङ्जा २ मा अबरुद्ध मतगणना बुधबार बेलुकी ९ बजेदेखि गर्ने सहमति बनेको थियो।
तर, बाजुरामा भने मतगणना अनिश्चित बनेको छ।
आयोगको निर्णयपछि सर्वदलीय बैठक बोलाइए पनि एमाले उपस्थित नभएपछि बैठक कुनै टुंगोमा पुग्न सकेन।
आज (बिहीबार) बिहान ७ बजे फेरि बैठक बस्ने र निर्णय गर्ने निर्वाचन कार्यालयले जानकारी गराएको छ।
