धनगढीः नेपाल पत्रकार महासंघ बझाङका दोस्रो कार्यकालका लागि अध्यक्षमा निर्वाचित ललितबहादुर सिंहमाथि भएको आक्रमणको छानबिनका लागि अध्ययन समिति गठन गरिएको छ।
नेपाल प्रेस युनियन सुदूरपश्चिम प्रदेश कार्यसमितिले बिहीबार महासचिव हरिश भट्टको संयोजकत्वमा तीन सदस्यीय अध्ययन समिति गठन गरेको हो। समितिमा प्रेस युनियन डडेल्धुराका पूर्वअध्यक्ष धनबहादुर भण्डारी र बझाङका अध्यक्ष अशोक खड्का सदस्य छन्।
अध्ययन टोलीलाई बझाङमा प्रेस युनियनका नेताहरू तथा सरोकारवाला सबै पक्षहरूसँग समन्वय र छलफल गरी सात दिनभित्र प्रतिवेदन पेस गर्ने कार्यादेश प्रदान गरिएको छ ।
माघ २८ गते राती पत्रकार सिंहमाथि आक्रमण भएको थियो। आक्रमणकारीले प्रहार चक्कु लागेर उनको निधारमा गहिरो चोट लागेको थियो। घटनामा संलग्न तीनजनालाई बझाङ प्रहरीले पक्राउ गरेर अनुसन्धान गरिरहेको छ।
