डडेल्धुरा: डडेल्धुराको परशुरामधाममा भोलि (बिहीवार) देखि साहित्य महोत्सव आयोजना हुने भएको छ। परशुराम नगरपालिकाले बिहीबार र शुक्रबार दुई दिन परशुरामधाममा साहित्य महोत्सवको दोस्रो संस्करण आयोजना गर्न लगोको हो।
कला, संस्कृति, खेलकुद र साहित्यको संगम बन्ने यो महोत्सवको गृहमन्त्री रमेश लेखकले उद्घाटन गर्ने जनाइएको छ। महोत्सवले स्थानीय कला, संस्कृति र साहित्यलाई प्रवर्द्धन गर्ने उद्देश्य राखेको नगरपालिकाका मेयर भरत बडायर जोशीले बताए।
उनले परशुराम धामको ऐतिहासिक र सांस्कृतिक महत्वलाई उजागर गर्न र यसलाई राष्ट्रिय तथा अन्तर्राष्ट्रिय स्तरमा चिनाउन महोत्सव महत्वपूर्ण हुने विश्वास व्यक्त गरे।
आयोजकका अनुसार महोत्सवको सञ्चालन चर्चित टिभी प्रस्तोता समा थापाले गर्नेछिन्। महोत्सवमा विभिन्न क्षेत्रका विशिष्ट व्यक्तित्वहरूको उपस्थिति रहनेछ।
