धनगढी: कैलालीमा बस र माइक्रोबस एकआपसमा ठोक्किँदा चालकसहित १० जना घाइते भएका छन्।
पूर्वपश्चिम राजमार्गअन्तर्गत घोडाघोडी नगरपालिका–१० पहलमानपुरमा शुक्रबार साँझ सुपप्र०१–००१ ख ३१९७ बस र कर्णाली प्रदेश ०२–००१ ज ०६३९ नम्बरको माइक्रोबस एकआपसमा ठोक्किएका हुन्।
दुर्घटनामा माइक्रो बस चालक गोदावरी नगरपालिका–२ तेघरी बस्ने २३ वर्षीय भुवनबहादुर महरा गम्भीर घाइते भएका छन्।
उनलाई उपचारका लागि धनगढी पठाइएको छ। अन्य ९ जना घाइतेको घोडाघोडी अस्पतालमा उपचार भइरहेको छ। बस चालक गोदावरी नगरपालिका–१२ गेटा बस्ने ३६ वर्षीय जितु चौधरी फरार छन्।
