कैलाली: धनगढीस्थित चैतन्य पाठशालामा आयोजित रक्तदान कार्यक्रममा २२ जनाले रक्तदान गरेका छन्।
नयाँ वर्ष २०८२ को अवसर पारेर ‘रक्तदान जीवनदान, मानव सेवाका लागि चैतन्य अभियान’ भन्ने नाराका साथ आज आयोजित रक्तदान कार्यक्रममा पहिलोपटक ७ जनासहित २२ जनाले रक्तदान गरेको सुदुरपश्चिम प्रदेश सरकारका स्वास्थ्य दूत एवं चैतन्य पाठशालाका रक्तदान संयोजक दीपक उपाध्यायले जानकारी दिए।
पहिलो पटक रक्तदान गर्ने रक्तदाताहरुलाई स्वास्थ्य दुत उपाध्यायले काउन्सिलिङ गरेका थिए। पहिलोपटक रक्तदान गर्ने रक्तदाताहरुले अबदेखि नियमित रुपमा ३/३ महिनामा रक्तदान गर्ने प्रण गरेको उपाध्यायले बताए।
गर्मियाम सुरु भएसंगै बिरामीको संख्या बढ्ने र उपचारका लागि चाहिने रगतको सहजताका लागि पाठशाला परिसरमा रक्तदान कार्यक्रमको आयोजना गरिएको चैतन्य पाठशालाका सिईयो गणेशप्रसाद जोशीले बताए।
उनले पाठशालाले मासिक रुपमा रक्तदानका कार्यक्रम आयोजना गर्दै आइरहेको समेत जानकारी दिए। रक्तदानमा सहभागि सम्पुर्णलाई स्वास्थ्य दुत उपाध्याय र चैतन्य पाठशालाका सिईयो जोशीले प्रसंशा पत्र प्रदान गरेका थिए ।
धनगढीस्थित प्रादेशिक रक्तसंचार केन्द्रले रक्तदान कार्यक्रमको प्राविधिक सहजीकरण गरेको थियो।
