धनकुटा: धनकुटाको महालक्ष्मी नगरपालिकाका एक वृद्धको घाँटीमा मासु अड्किएर मृत्यु भएको छ।
मृत्यु हुनेमा महालक्ष्मी नगरपालिका–९, मूर्तिढुङ्गाका ७८ वर्षीय प्रेमबहादुर लिम्बू रहेका छन्। उनलाई गत जेठ २१ गते राति सुँगुरको मासु खाने क्रममा घाँटीमा मासु अड्किएको थियो।
गम्भीर अवस्था भएपछि लिम्बूलाई उपचारका लागि विराटनगरस्थित विराट टिचिङ अस्पताल लगिएको थियो। उपचारको क्रममा गतराति उनको मृत्यु भएको जिल्ला प्रहरी कार्यालय धनकुटाले जनाएको छ।
घटनासम्बन्धी पोष्टमार्टम लगायत अन्य कानूनी प्रक्रिया तथा आवश्यक अनुसन्धान भइरहेको जिल्ला प्रहरी कार्यालय धनकुटाका प्रवक्ता डिएसपी ओमप्रकाश खनालले जानकारी दिए।
