काठमाडौं ।
हाल मुलुकमा पश्चिमी वायुको साथै स्थानीय वायुको प्रभाव रहेका कारण देशका पहाडी भू—भागमा आंशिकदेखि सामान्यतया बदली रही बाँकी भू—भागमा आंशिक बदली देखि मौसम सामान्यतया सफा रहने छ ।
जल तथा मौसम विज्ञान विभागका अनुसार कोशी प्रदेश र सुदूरपश्चिम प्रदेश लगायत देशका पहाडी भू—भागमा आंशिकदेखि सामान्य बदली रही बाँकी भू—भागमा आंशिक बदलीदेखि मौसम सामान्यतया सफा रहेको छ ।
देशका पहाडी भू—भागका थोरै स्थानमा मेघ गर्जन र चट्याङ्गसहित हल्का र क्षणिक वर्षाको सम्भावना रहेको छ । तराईका थोरै स्थानमा हावाहुरीको सम्भावना रहेको छ।
राति भने देशका पहाडी भू—भागमा आंशिकदेखि सामान्यतया बदली रही बाँकी भू—भागमा आंशिक बदलीदेखि मौसम सामान्यतया सफा रहने छ। देशका पहाडी भू—भागका थोरै स्थानमा मेघ गर्जन र चट्याङ्गसहित हल्का र क्षणिक वर्षाको सम्भावना रहेको छ।
कोशी प्रदेश लगायत बाँकी प्रदेशका पहाडी भू—भागका थोरै स्थानमा मेघ गर्जन र चट्याङ्गसहित हल्का र क्षणिक वर्षाको सम्भावना रहेको र अपरान्हपछि तराईका थोरै स्थानहरूमा हावाहुरीको सम्भावना रहेकोले मेघगर्जन र चट्याङ्ग, हावाहुरीबाट हुन सक्ने क्षति र जोखिमबाट बच्न आवश्यक सतर्कता अपनाउन महाशाखाले अनुरोध गरेको छ ।
