माया लुहारका हत्या आरोपित पक्राउ , बैतडी ल्याउँदै

बैतडी । बैतडीको पञ्चेश्वर गाउँपालिका–४ फ्याउलीकी २१ वर्षीया माया लुहारका हत्या आरोपी पक्राउ परेका छन् । पक्राउ परेका कोलीलाई बैतडी ल्याईदै छ् ।

शिवनाथ गाउँपालिका–४ का भरतराम कोलीलाई कञ्चनपुर प्रहरीले आइतबार बिहान महेन्द्रनगर वसपार्कबाट बाट पक्राउ गरेको हो । उनी पोखरास्थित सशस्त्र प्रहरी बलमा कार्यरत थिए ।
कोलीलाई जिल्ला प्रहरी कार्यालय बैतडीको जिम्मा लगाएको छ । महेन्द्रनगर देखि बैतडी ल्याइरहेको जिल्ला प्रहरी कार्यालय बैतडीका प्रवक्ता लोकराज जोशीले बताए ।
कोलीले गत १३ गते साँझ धारिलो हतियारले घाँटी रेटेर मायाको हत्या गरेको आरोेप छ । मायासँगै रहेकी उनकी भदै नेहा घाइते छिन । घाइतेको डडेल्धुरा स्पतालमा उपचार भईरहेको छ ।
परिवारले शिवनाथ गाउँपालिका–४ का कोलीले हत्या गरेको भन्दै प्रहरीमा किटानी जाहेरी दिएका थिए । पक्राउ परेका आरोपितमाथि थप अनुसन्धान गरि छानविन गरिने जिल्ला प्रहरी कार्यालय बैतडीले जनाएको छ ।