धनगढी । प्रधानमन्त्री शेरबहादुर देउवाले सुदूरपश्चिम महोत्सवको १६औ संस्करण २०७९ उद्घाटन गरेका छन् । देउवाले बिहीबार कैलाली उद्योग वाणिज्य सङ्घले धनगढीमा आयोजना गरिरहेको सुदूरपश्चिम महोत्सवको उद्घाटन गरेका हुन्।
सुदूरपश्चिम प्रदेशको कृषि, पर्यटन, उद्योग, व्यापार व्यवसाय र कला संस्कृतिको प्रवर्द्धन गर्ने उद्देश्यले सङ्घले महोत्सव आयोजना गरेको महोत्सव पुस २ गतेसम्म सञ्चालन हुनेछ।
अघिल्लो दुई वर्ष कोरोना महामारीका कारण महोत्सव आयोजना हुन सकेको थिएन।
कैलाली उद्योग वाणिज्य सङ्घले २०६३ सालदेखि महोत्सव सञ्चालन गर्दै आएको थियो ।